Dortmundning "Borussiya" klubi sport direktori Sebastyan Kel yarim himoyachi Jud Bellingemning kelajagi haqida fikr bildirdi.

“Yangi o‘zgarishlar bo‘lmadi. Biz biroz sabr qilishimiz kerak. Albatta, biz Bellingemni imkon qadar uzoq vaqt davomida “Borussiya”da saqlab qolishga harakat qilamiz, chunki u biz uchun nihoyatda muhim futbolchi”, - deya Kelning so‘zlarini keltiradi RNBVB.

Oldinroq 19 yoshli ingliz futbolchisi "Liverpul"ga o‘tishi mumkinligi haqida xabarlar tarqalgan edi. Futbolchiga "Real" ham qiziqmoqda.

Angliyalik futbolchi joriy mavsumda “Borussiya” safida 26 ta o‘yinda maydonga tushib, 10 ta gol urdi va 6 ta golli uzatmani amalga oshirdi. Transfermarkt ma’lumotlariga ko‘ra, futbolchining narxi 110 million yevroni tashkil qiladi.