Дортмунднинг "Боруссия" клуби спорт директори Себастьян Кель ярим ҳимоячи Жуд Беллингемнинг келажаги ҳақида фикр билдирди.
“Янги ўзгаришлар бўлмади. Биз бироз сабр қилишимиз керак. Албатта, биз Беллингемни имкон қадар узоқ вақт давомида “Боруссия”да сақлаб қолишга ҳаракат қиламиз, чунки у биз учун ниҳоятда муҳим футболчи”, - дея Келнинг сўзларини келтиради RNBVB.
Олдинроқ 19 ёшли инглиз футболчиси "Ливерпуль"га ўтиши мумкинлиги ҳақида хабарлар тарқалган эди. Футболчига "Реал" ҳам қизиқмоқда.
Англиялик футболчи жорий мавсумда “Боруссия” сафида 26 та ўйинда майдонга тушиб, 10 та гол урди ва 6 та голли узатмани амалга оширди. Transfermarkt маълумотларига кўра, футболчининг нархи 110 миллион еврони ташкил қилади.
