«Andijon»ning Antaliyadagi yig‘inida ishtirok etayotgan legionerlardan yana biri – gruziyalik Nodari Kavtaradze ham yangi mavsumda endi “Andijon” libosida to‘p suradi. 30 yoshli futbolchi bilan ham 2 yillik kelishuvga erishildi.

“Andijon” a’zosiga aylangan Nodari Kavtaradze o‘zining dastlabki fikrlari bilan o‘rtoqlashdi.

“O‘zimni bu yerda yaxshi his qilyapman. Jamoadagi yigitlar juda yaxshi qabul qilishdi. Klubga moslashib ketishimiz oson kechdi. Buning uchun murabbiylarga, futbolchilarga, umuman bu yerdagi barchaga rahmat aytaman.

Klub bosh direktori bizga yig‘inga kelib ko‘shilishimizga sharoit yaratib berdi. Biz endi katta bir oilamiz”, - dedi Nodari.

Bizning ma’lumot:
Nodari Kavtaradze
Tug‘ilgan sanasi: 02.01.1993
Ampluasi: yarim himoyachi
Bo‘yi: 170
Vazni: 67 kg
To‘p surgan klublari: “Lokomotiv-2” (Rossiya), “Tyumen” (Rossiya), “Volga” (Rossiya), “Drujba” (Rossiya), “Rosich” (Rossiya), “Lokomotiv” (Gruziya), “Dila” (Gruziya), “Torpedo” Kutaisi (Gruziya), “Dinamo” Tbilisi (Gruziya), “Mezyokyoveshd” (Vengriya), “Saburtalo” (Gruziya).

"Andijon" matbuot xizmati.