Myonxengladbaxning «Borussiya» klubi hujumchisi Markus Tyuram Milanning «Inter» klubi bilan muzokaralar olib bormoqda.
«Neradzurrilar» yanvar oyida fransiyalik futbolchiga asosiy da’vogarlar qatorida edi, ammo keyin transfer amalga oshmadi.
Hujumchi shu yozda tugaydigan «Borussiya» bilan shartnomasini yangilamoqchi emas, shuning uchun u mavsum oxirida erkin agent sifatida kelajagini boshqa klublar bilan muhokama qilishi mumkin.
Italiya matbuoti xabariga ko‘ra, «Inter» allaqachon futbolchiga yiliga besh million yevro maosh bilan besh yillik shartnoma taklif qilgan.
Transfermarkt Markus Tyuramni 32 million yevroga baholamoqda.
