«Monako»da ijara asosida to‘p tepayotgan «Bavariya» darvozaboni Aleksandr Nyubel Manuel Noyer va Yan Zommer bilan raqobat haqida gapirdi.

«Bavariya» yangi darvozabon bilan shartnoma imzolashi aniq edi. Bunday klubda har doim eng yaxshi darvozabonlar to‘p tepadi, shuning uchun Zommerning transferi kutilgan edi.

Men musobaqaga tayyormanmi? Hozircha javob bera olmayman, chunki barcha fikrlarim «Monako»ga qaratilgan, dedi Nyubel.

Fransiya chempionatining joriy mavsumida 26 yoshli darvozabon 23 ta bahsda qatnashib, o‘z darvozasidan 30 ta gol o‘tkazib yuborgan. Sakkizta uchrashuvda Aleksandr o‘z darvozasi daxlsizligini saqlab qoldi.