Matbuotda "An-Nasr" hujumchisi Krishtianu Ronalduning transferi haqida yangi ma’lumotlar paydo bo‘ldi. Saudiya klubi bilan shartnoma imzolaganidan beri portugaliyalik mehmonxonada yashab kelmoqda. Qayd etilishicha, Krishtianu u yerda 17 ta lyuks xonani ijaraga olgan.
Mirror nashriga ma’lum bo‘lishicha, Ronaldu yangi uyga ko‘chib o‘tishdan oldin mehmonxonaga taxminan 250 ming funt (taxminan 280 ming yevro) to‘lagan.
Portugaliyalik superyulduz allaqachon “An-Nasr” safida beshta o‘yin o‘tkazgan. Ularda Krishtianu beshta gol urdi va sheriklariga ikkita samarali uzatma berdi.
