"Yuventus" bosh murabbiyi Massimiliano Allegri yarim himoyachi Pol Pogba seshanba kuni bo‘lib o‘tadigan "Torino"ga qarshi derbida ishtirok etishi mumkinligini aytdi.
"Pogba hozirda ancha yaxshi, u ertaga tarkibda bo‘ladi. Zarurat tug‘ilsa, uni maydonga tushiramiz. Ammo u maydonda ko‘p vaqt o‘tkaza olmaydi", - dedi Allegri matbuot anjumanida.
“Boshqa futbolchilar bilan bo‘lgani kabi Pogba bilan ham gaplashdim. U hozir mavsumning muhim qismi ekanligini tushunishi kerak va u jamoaga yordam berishga harakat qilishi kerak”, — deya qo‘shimcha qildi murabbiy.
Pol Pogba o‘tgan yozda "Manchester Yunayted" bilan shartnomasi tugaganidan keyin "Yuventus"ga qaytgan edi. Jarohati tufayli fransuz bu mavsumda hali maydonga tushmadi.
