"Chelsi" bosh murabbiyi Grem Potter hamon klubdagi ishini yo‘qotish xavfini sezgani yo‘q.
Londonliklar yakshanba kuni bo‘lib o‘tgan Angliya Premyer-ligasi doirasidagi o‘yinda "Tottenxem"ga yutqazib (0:2) qo‘yishdi. Muxlislarning vaziyatdan noroziligi avjiga chiqish arafasida, bu esa, albatta, mutaxassisga bosimni kuchaytiradi, ammo “ko‘klar” boshliqlari shoshib qarorlar qabul qilishmoqchi emas.
Jurnalist Jeykob Shtaynbergning yangilangan xabariga ko‘ra, avvalroq OAVda tarqalgan mish-mishlarga qaramay, “Lids” va “Borussiya Dortmund”ga qarshi keyingi ikki o‘yin Potter uchun hal qiluvchi bo‘lmaydi.
