"Челси" бош мураббийи Грэм Поттер ҳамон клубдаги ишини йўқотиш хавфини сезгани йўқ.
Лондонликлар якшанба куни бўлиб ўтган Англия Премьер-лигаси доирасидаги ўйинда "Тоттенхэм"га ютқазиб (0:2) қўйишди. Мухлисларнинг вазиятдан норозилиги авжига чиқиш арафасида, бу эса, албатта, мутахассисга босимни кучайтиради, аммо “кўклар” бошлиқлари шошиб қарорлар қабул қилишмоқчи эмас.
Журналист Жейкоб Штайнбергнинг янгиланган хабарига кўра, аввалроқ ОАВда тарқалган миш-мишларга қарамай, “Лидс” ва “Боруссия Дортмунд”га қарши кейинги икки ўйин Поттер учун ҳал қилувчи бўлмайди.
