Pro liga yangi mavsumiga tayyorgarlik doirasida «Dinamo» jamoasi Toshkentda navbatdagi o‘rtoqlik bahsida maydonga tushdi.

Qozog‘istonning 1-divizioni ishtirokchisi «Ontustik» klubiga qarshi bahs gollarga boy o‘tdi. Birinchi bo‘limda Elguja Grigalashvili va Kojo Joel «Dinamo»ning ikki goliga mualliflik qilgan bo‘lsa, ikkinchi bo‘limda tarkib o‘zgargach, himoyachi Yevgeniy Nazarov 3-golga, yarimhimoyachi Javlon Malikov esa dublga erishdi. Chimkentliklar 3ta gol bilan javob qaytarishdi – 5:3.

Shu kuni bosh murabbiy Vadim Abramov jarohati bor o‘yinchilardan tashqari, deyarli barcha futbolchilarni maydonga tushirib, sinovdan o‘tkazdi.

O‘rtoqlik o‘yini. Toshkent
«Dinamo» – «Ontustik» (Qozog‘iston) – 5:3
Gollar: Elguja Grigalashvili, Kojo Joel, Yevgeniy Nazarov, Javlon Malikov 2ta.
«Dinamo»: Farhod Rahmatov, Yevgeniy Nazarov, Xurshid Ubaydullayev, Salim Mustafoyev, Koike Yuday, Erkin Boydullayev, Jasur Qurbonov, Hazrat Tursunqulov, Fransis Narx, Elguja Grigalashvili, Kojo Joel
Zaxiradan maydonga tushganlar: Ravshan Yagudin, Doston Foteev, Komil Sharofutdinov, Vohid Oqbo‘tayev, Javlon Malikov, Derrik, Muhammadbobur Asadullayev, Bobur Mamadaminov, Valeriy Akopov, Bahodir Abduvaliyev, Bahodir Nasimov.