Myunxenning “Bavariya” klubi darvozaboni Manuel Noyer muddatidan avval tuzalib, safga qaytishi mumkin.

Sportbild nashrining xabariga ko‘ra, tajribali darvozabon joriy mavsum yakunida maydonga qaytish imkoniyatiga ega. Noyer ushbu mavsumni muddatidan avval yakunlagani avvalroq xabar qilingandi.

Manuel qishki ta’til paytida chang‘i uchayotganda oyog‘ini sindirib oldi. Uning jarohati sababli Myunxen klubi rahbariyati shoshilinch ravishda shveysariyalik Yan Zommerning transferini elon qildi.

Germaniya Bundesligasining joriy mavsumida 36 yoshli darvozabon 12 ta o‘yin o‘tkazib, 11 ta gol o‘tkazib yuborgan. To‘rtta uchrashuvda Noyer o‘z darvozasi daxlsizligini saqlab qoldi.