Yarim himoyachi Brunu Fernandesh ayni paytda sardorlik bog‘ichi ostida jamoani maydonga olib tushmoqda. Chunki Garri Maguayr "Manchester Yunayted"ning asosiy tarkibida kam hollarda maydonga tushmoqda. Biroq, Fernandesh vise-sardorlik maqomidan ham mahrum qilinishi ehtimoli bor.
Daily Mai nashri xabariga ko‘ra, "Manchester Yunayted" futbolchilari Brunu Fernandeshning xatti-harakatidan g‘azablangan. O‘yinlar vaqtida portugaliyalik futbolchi sheriklarni tanqid qilishdan tortinmaydi va buni muntazam ravishda amalga oshirmoqda. "Liverpul"ga qarshi o‘tgan o‘yinda ham Fernandesh jamoadoshlariga bir necha marotaba bosim o‘tkazgan. Bir so‘z bilan aytganda, klubda portugaliyalik futbolchining yetakchilik fazilatlariga shubha kuchaymoqda.
