Ярим ҳимоячи Бруну Фернандеш айни пайтда сардорлик боғичи остида жамоани майдонга олиб тушмоқда. Чунки Гарри Магуайр "Манчестер Юнайтед"нинг асосий таркибида кам ҳолларда майдонга тушмоқда. Бироқ, Фернандеш вице-сардорлик мақомидан ҳам маҳрум қилиниши эҳтимоли бор.
Daily Mai нашри хабарига кўра, "Манчестер Юнайтед" футболчилари Бруну Фернандешнинг хатти-ҳаракатидан ғазабланган. Ўйинлар вақтида португалиялик футболчи шерикларни танқид қилишдан тортинмайди ва буни мунтазам равишда амалга оширмоқда. "Ливерпул"га қарши ўтган ўйинда ҳам Фернандеш жамоадошларига бир неча маротаба босим ўтказган. Бир сўз билан айтганда, клубда португалиялик футболчининг етакчилик фазилатларига шубҳа кучаймоқда.
