"Bavariya" direktori Oliver Kan klub nima uchun 100 million yevroga futbolchilar sotib olmasligini tushuntirib berdi.

- Nega "Bavariya" hech qachon futbolchi transferi uchun 100 million yevro sarflamagan? Klub buni xohlamaydimi yoki qilolmaydimi?

- Falsafa bor: biz faqat topganimizni sarflaymiz. Bitta o‘yinchiga ko‘p pul sarflash har doim katta xavf hisoblanadi.

Hamma narsani aql bilan qilish kerak. Futbolchi jamoamizga ham sport, ham iqtisodiy darajada integrasiyalashishi kerak.

Biz klubning iqtisodiy barqarorligiga putur yetkazadigan hech narsa qilmaymiz. "Bavariya" qarzdor emas. Bu bizning falsafamiz. Va uzoq muddatda bu hatto raqobatdosh ustunlikdir.

Qisqa muddatda klub qarz olishi yoki investorlarni chaqirishi mumkin. Muammo shundaki, keyin kelajakda nima bo‘ladi?

Agar boshqa yirik Yevropa klublari bilan solishtirganda sport muvaffaqiyati va moliyaviy resurslarni bog‘lasak, “Bavariya”ning qo‘li har doim ustun bo‘lib kelgani aniq - dedi Myunxen klubi bosh direktori.