Kecha «Tottenxem» «Milan»ga qarshi kechgan YECHL bahsidan so‘ng ikki o‘yin natijasiga ko‘ra musobaqani tark etdi. Bu esa «shporlar»ning muxlislarini biroz ranjitdi. Chunki jamoa bundan oldinroq «Vest Xem» hamda «Chelsi»ga qarshi uchrashuvlarda o‘z uyida ikkita ishonchli g‘alabani qo‘lga kiritgandi. Go‘yo Kristian Stellini va uning jamoasi Italiyada Antonio Konte jarohatidan tuzalayotgan paytda vaziyatni to‘g‘irlayotganga o‘xshardi. Himoya chizig‘i biroz mustahkamroq ko‘rindi va «shporlar» mavsumni Angliya Kubogi doirasida «Sheffild Yunayted» hamda YECHLda «Milan»ga qarshi ijobiy o‘yinlar bilan yakunlashi mumkin degan taassurot qoldirdi.
Biroq bir hafta o‘tgach, jamoa turli musobaqalar doirasida uch marta ranjidi. «Sheffild» hamda «Vulvz» to‘sig‘ini yenga olmagan «Tottenxem» kecha «Milan» bilan durang o‘ynadi va YECHLni tark etdi. Bir yo‘la ikkita turnirdan deyarli bir vaqtda chiqib ketgan jamoaning muxlislari albatta, yanada g‘azablandi va ruhiy tushkunlikka tushdi. Barchasi tushunarli - tizim ishlamayapti va tepada o‘zgarish vaqti keldi: Konte ketishi kerak va «shporlar» buni hozir qilishlari zarur.
Maurisio Pochettino 2019 yilning noyabrida klubdan ketganidan keyin «Tottenxem» menejerlarida ham o‘zgarish bo‘ldi. Joze Mourinyo 2021 yilning apreligacha, Nunu Eshpiritu Santu esa «shporlar» Konteni olib kelguniga qadar bir necha oy ishladi. Konte Londonga kelgach, «shporlar» nihoyat maydonda o‘z chizgilariga ega murabbiyni olganga o‘xshardi. Oldin Nuno va hattoki Joze qo‘l ostida ushbu jihatni unchalik ham ko‘rmadik, to‘g‘ri Mourinyo «avtobus» uslubi orqali nimalargadir erishmoqchi bo‘ldi, biroq o‘yinchilar maydonda yetarlicha mas’uliyatni o‘zlariga ololmadi. Ammo Konte hali ham yuqori darajada, shuning uchun bu jamoaga biroz imkoniyat berib ko‘rish kerakdek tuyuladi, ayniqsa Fabio Paratichi ham italyanni bir necha bor qo‘llab-quvvatladi.
Konte va uning xodimlarini o‘tgan mavsum yakuniga ko‘ra u qadar yomon natija qayd etdi deb bo‘lmaydi, natijada Angliyaning ikkinchi eng yaxshi jamoasi deya ta’rif oldi «Tottenxem». «Shporlar»ning jadvalda yuqoriga ko‘tarilishi Premyer-ligadagi boshqa raqiblarning qayta qurishni boshlab yuborishiga sabab bo‘ldi.
