Teleboshlovchi Gari Lineker BBC telekanalidan vaqtinchalik chetlatildi.
Sobiq angliyalik futbolchi avvalroq Britaniyadagi noqonuniy muhojirlar to‘g‘risidagi qonun loyihasini tanqid qilgan. Qonun bunday muhojirlarga boshpana berishning iloji yo‘qligini nazarda tutadi. Bundan tashqari, hujjat Buyuk Britaniyadan noqonuniy migrantlarni chiqarib yuborishni nazarda tutadi, shu bilan birga ular kelajakda mamlakatga qaytib kela olmaydi va fuqaroligini olish uchun ariza bera olmaydi. Lineker hukumatning bu pozisiyasini 1930 yillardagi Germaniya bilan taqqosladi.
Lineker BBCning mashhur Match of the Day futbol teleko‘rsatuvi boshlovchisi hisoblanadi. Teleradiokompaniyaning aytishicha, Gari ijtimoiy tarmoqlardan foydalanish bo‘yicha kelishuvga erishilgunga qadar dasturni efirga uzatishni to‘xtatadi.
"BBC Gari va uning hamkasblari bilan suhbat o‘tkazdi. Uning so‘nggi paytlarda ijtimoiy tarmoqlardagi faoliyatini siyosatimizni buzish, deb hisoblashimizni bildirdik.
BBC u ijtimoiy tarmoqlardan foydalanish bo‘yicha aniq pozisiyamizga ega bo‘lmagunimizcha, uning Match of the Day ko‘rsatuvini efirga uzatmaslikka qaror qildik.
Gari futbol va umuman sportni yoritishda ajoyib. Biz hech qachon Garining o‘z fikriga haqqi yo‘qligini yoki u o‘zi uchun muhim bo‘lgan masalalarda o‘z nuqtai nazarini bildira olmasligini aytmaganmiz, lekin siyosiy masalalar va bahslarni tahlil qilishdan tiyilishini aytganmiz" - deyiladi BBC bayonotida.
