Телебошловчи Гари Линекер BBC телеканалидан вақтинчалик четлатилди.
Собиқ англиялик футболчи аввалроқ Британиядаги ноқонуний муҳожирлар тўғрисидаги қонун лойиҳасини танқид қилган. Қонун бундай муҳожирларга бошпана беришнинг иложи йўқлигини назарда тутади. Бундан ташқари, ҳужжат Буюк Британиядан ноқонуний мигрантларни чиқариб юборишни назарда тутади, шу билан бирга улар келажакда мамлакатга қайтиб кела олмайди ва фуқаролигини олиш учун ариза бера олмайди. Линекер ҳукуматнинг бу позициясини 1930 йиллардаги Германия билан таққослади.
Линекер BBCнинг машҳур Match of the Day футбол телекўрсатуви бошловчиси ҳисобланади. Телерадиокомпаниянинг айтишича, Гари ижтимоий тармоқлардан фойдаланиш бўйича келишувга эришилгунга қадар дастурни эфирга узатишни тўхтатади.
"BBC Гари ва унинг ҳамкасблари билан суҳбат ўтказди. Унинг сўнгги пайтларда ижтимоий тармоқлардаги фаолиятини сиёсатимизни бузиш, деб ҳисоблашимизни билдирдик.
BBC у ижтимоий тармоқлардан фойдаланиш бўйича аниқ позициямизга эга бўлмагунимизча, унинг Match of the Day кўрсатувини эфирга узатмасликка қарор қилдик.
Гари футбол ва умуман спортни ёритишда ажойиб. Биз ҳеч қачон Гарининг ўз фикрига ҳаққи йўқлигини ёки у ўзи учун муҳим бўлган масалаларда ўз нуқтаи назарини билдира олмаслигини айтмаганмиз, лекин сиёсий масалалар ва баҳсларни таҳлил қилишдан тийилишини айтганмиз" - дейилади BBC баёнотида.
