Joriy mavsumda Qozog‘iston chempionatida ishtirok etayotgan Toshkentning «Humo» xokkey pley-off bosqichining yarim finalidan o‘rin olgan Qozog‘istonning «Beybaris» klubiga qarshi ikkinchi o‘yinni o‘tkazdi.

Jamoamiz kecha bo‘lib o‘tgan birinchi bahsda mag‘lubiyatga uchragani bois, bu safar vaziyatni o‘nglamasa bo‘lmasdi. Birinchi bo‘limda Shingareev darvozani ishg‘ol qilgandi, ammo Dorofeev pasni qo‘li bilan bergani uchun gol inobatga olinmadi.

Ikkinchi bo‘limda xokkeychilarimiz tashabbusga erishgan bo‘lsalar-da, hisobni ochish mehmonlarga nasib etdi. Ammo taym tugashiga 3 daqiqa qolganida toshkentliklar nafaqat hisobni tenglashtirishdi, hatto oldinga o‘tib olishdi. Har ikki golga Kirillov mualliflik qildi (ushbu xokkeychi kecha ham "dubl"ga erishgandi).

Uchinchi bo‘limning 7-daqiqasi yakunlanayotganida Fishchenko "Humo"ning uchinchi goliga mualliflik qildi va jamoasizning jiddiy ustunligini ta’minladi. Jamoamiz ushbu g‘alabani o‘yin oxirigacha saqlab qoldi. Vaholanki, "Beybaris" bahs so‘ngida bir kishi ko‘p bo‘lib o‘ynagandi.

Shu tariqa, seriyada hisob tenglashdi. Raqib maydonidagi keyingi 2ta bahs 16 va 17 mart kunlariga belgilangan. Yarim final bahslari jamoalardan biri 4 ta g‘alabani qo‘lga kiritgunga qadar davom etadi.

Xokkey. Qozog‘iston chempionati. Yarim final, 2-o‘yin
"HUMO" - "BEYBARIS" - 3:1 (0:0, 2:1, 1:0).
Gollar:
0:1 Kolesnikov (Ivanov, Burdelyov), 28.02.
1:1 Kirillov (Chebotaryov, Dorofeev), 37.04.
2:1 Kirillov (Valeev), 39.35 - bol.
3:1 Fishchenko, 46.50.
12.03.2023. Toshkent, «Humo Arena», 5321 tomoshabin.