"Real"ning qanot himoyachisi Ferlan Mendi faoliyatini Fransiya chempionatida davom ettirishi mumkin. "Todofichajes" nashrining xabariga ko‘ra, 27 yoshli futbolchiga "PSJ" qiziqish bildirmoqda.
Parij klubi yozgi transfer oynasida Mendini sotib olishga harakat qiladi. Potensial kelishuv summasi 40 million yevroga baholanmoqda.
Ferlan "qirollik" klubida 2019 yilning yozidan buyon o‘ynab kelmoqda. Uning shartnomasi 2025 yilning o‘rtalariga qadar mo‘ljallangan. Ispaniya chempionatining joriy mavsumida himoyachi 14 ta o‘yin o‘tkazib, bitta golga assistentlik qilgan.