"Реал"нинг қанот ҳимоячиси Ферлан Менди фаолиятини Франция чемпионатида давом эттириши мумкин. "Todofichajes" нашрининг хабарига кўра, 27 ёшли футболчига "ПСЖ" қизиқиш билдирмоқда.
Париж клуби ёзги трансфер ойнасида Мендини сотиб олишга ҳаракат қилади. Потенциал келишув суммаси 40 миллион еврога баҳоланмоқда.
Ферлан "қироллик" клубида 2019 йилнинг ёзидан буён ўйнаб келмоқда. Унинг шартномаси 2025 йилнинг ўрталарига қадар мўлжалланган. Испания чемпионатининг жорий мавсумида ҳимоячи 14 та ўйин ўтказиб, битта голга ассистентлик қилган.