Jahon chempionatining yangi formati tasdiqlanadi. The Athletic xabariga ko‘ra, 2026 yilgi Jahon chempionati formati Ruanda poytaxti Kigali shahrida bo‘lib o‘tadigan FIFA kongressida tasdiqlanadi. Turnirda 48 ta jamoa ishtirok etadi.
Dastlabki reja jamoalarni 3 tadan 16 ta guruhga bo‘lish edi. FIFA bu g‘oyadan voz kechib, 4 ta jamoadan iborat 12 ta guruhdan iborat formatni ma’qulladi. Jamoalar navbatdagi Jahon chempionatida jami 104 ta o‘yin o‘tkazadi. Turnir 39 kun davom etadi. 2026 yilgi jahon chempionati AQSH, Kanada va Meksikada bo‘lib o‘tadi.
