«Yuventus»ning hujumkor yarim himoyachisi Federiko Kyeza «Barselona»ning nishonida bo‘lib turibdi.

Calciomercatoweb xabariga ko‘ra, Yevropa chempioni bilan shartnoma imzolash uchun Kataloniya jamoasi bosh murabbiyi Xavi ikki futbolchi - Usmon Dembele va Ferran Torresni qurbon qilishga tayyor.

Agar «ko‘k-anorranglilar» fransuz va ispaniyalikdan ajralib qolsa, ularga italiyalik bilan shartnoma imzolash osonroq bo‘ladi.

Shu bilan birga, ta’kidlanishicha, «Yuventus» Chempionlar ligasiga chiqa olmaslik xavfi ostida futbolchilarni sotishga majbur bo‘lishi mumkin.

Nufuzli transfermarkt portali mutaxassislari 25 yoshli Federiko Kyezani 60 million yevroga baholamoqda.