«Ювентус»нинг ҳужумкор ярим ҳимоячиси Федерико Кьеза «Барселона»нинг нишонида бўлиб турибди.
Calciomercatoweb хабарига кўра, Европа чемпиони билан шартнома имзолаш учун Каталония жамоаси бош мураббийи Хави икки футболчи - Усмон Дембеле ва Ферран Торресни қурбон қилишга тайёр.
Агар «кўк-анорранглилар» француз ва испанияликдан ажралиб қолса, уларга италиялик билан шартнома имзолаш осонроқ бўлади.
Шу билан бирга, таъкидланишича, «Ювентус» Чемпионлар лигасига чиқа олмаслик хавфи остида футболчиларни сотишга мажбур бўлиши мумкин.
Нуфузли transfermarkt портали мутахассислари 25 ёшли Федерико Кьезани 60 миллион еврога баҳоламоқда.
