«Barselona» himoyachisi Jyul Kunde Ispaniya chempionatining 26-turi doirasida «Real»ga qarshi bo‘lib o‘tadigan o‘yin haqida gapirdi.
«Ushbu o‘yin oldidan bizda yaxshi kayfiyat bor. «El-klasiko»ni intiqlik bilan kutyapman. Bunday o‘yinda ishtirok etish alohida emosiyalar beradi.
Endi bu jang yanada o‘ziga xos bo‘ladi, chunki u «Kamp Nou»da bo‘lib o‘tadi», - dedi himoyachi.
«Barselona» va «Real Madrid» o‘rtasidagi bahs ertaga 19 mart, yakshanba kuni bo‘lib o‘tadi. Ushbu o‘yin oldidan kataloniyaliklar Madrid klubidan 9 ochkoga oldinda.
