"Barselona" bosh murabbiyi Xavi jamoaga yangi hujumchi tanladi. Todofichajes o‘z sahifalarida xabar berishicha, ispaniyalik yosh mutaxassis Kataloniya klubi rahbarlaridan Pyer-Emerik Obameyangni qaytarishni so‘ragan.
Obameyang o‘tgan mavsumning ikkinchi qismida "Barselona"da o‘ynadi, biroq yozda "Chelsi"ga o‘tdi. Londonda hozir 33 yoshli gabonlik uchun ishlar yomon ketmoqda - u asosiy tarkib o‘yinchisi emas va hattoki jamoaning Chempionlar ligasi pley-off bosqichi uchun qaydnomasidan ham chetlatildi.
Nufuzli Transfermarkt portali ekspertlari Pyer-Emerik Obameyangni 7 million yevroga baholamoqda.