Italiyalik murabbiy Antonio Konte tez orada "Tottenxem" bilan shartnomasini bekor qiladi, shundan so‘ng Italiyada ish izlay boshlaydi.

Corriere dello Sport nashri xabariga ko‘ra, tajribali mutaxassis A Seriyada bir vaqtning o‘zida bir nechta variantga ega bo‘lishi mumkin. Unga "Yuventus", "Inter", "Milan" va "Roma" kabi klublar taklif bilan chiqishga tayyor. Bu jamoalarning barchasi mavsum yakunida murabbiy almashtirishga qaror qilishlari mumkin.

Shuningdek, Kontega qiziqarli va istiqbolli loyihani boshqarish taklif qilinsa, odatdagi maoshining kamaytirilishini qabul qilishga tayyorligi qayd etilgan.