Niderlandiya terma jamoasining sobiq ustozi Lui Van Gal qiyin tanlov qildi.

"Lionel Messi va Krishtianu Ronaldu - o‘z davrining eng yaxshi o‘yinchilari, ular orasidan tanlash qiyin. Portugaliyalik futbolchi argentinalikdan ko‘ra ko‘proq unvonga ega. Messida individual sovrinlar ko‘proq, ammo Ronaldu ko‘proq jamoaviy o‘yinchi.

Demak, tanlashim kerak bo‘lsa, men individual o‘yinchidan ko‘ra ko‘proq jamoaviy futbolchini tanlayman. Messi eng yaxshi o‘yinchi bo‘lishi mumkin, lekin siz jamoa bo‘lib o‘ynashingiz kerak" - dedi Van Gal Onda Cero bilan suhbatda.

Eslatib o‘tamiz, Lui van Gal Niderlandiya bilan birgalikda Qatarda bo‘lib o‘tgan jahon chempionatining 1/4 finaliga qadar yetib borib, penaltilar seriyasida bo‘lajak chempion - argentinaliklarga imkoniyatni boy bergandi. Jahon chempionati yakunlangach, murabbiy o‘z lavozimini tark etdi.