Нидерландия терма жамоасининг собиқ устози Луи Ван Гал қийин танлов қилди.
"Лионель Месси ва Криштиану Роналду - ўз даврининг энг яхши ўйинчилари, улар орасидан танлаш қийин. Португалиялик футболчи аргентиналикдан кўра кўпроқ унвонга эга. Мессида индивидуал совринлар кўпроқ, аммо Роналду кўпроқ жамоавий ўйинчи.
Демак, танлашим керак бўлса, мен индивидуал ўйинчидан кўра кўпроқ жамоавий футболчини танлайман. Месси энг яхши ўйинчи бўлиши мумкин, лекин сиз жамоа бўлиб ўйнашингиз керак" - деди Ван Гал Onda Cero билан суҳбатда.
Эслатиб ўтамиз, Луи ван Гал Нидерландия билан биргаликда Қатарда бўлиб ўтган жаҳон чемпионатининг 1/4 финалига қадар етиб бориб, пенальтилар сериясида бўлажак чемпион - аргентиналикларга имкониятни бой берганди. Жаҳон чемпионати якунлангач, мураббий ўз лавозимини тарк этди.
