"Tottenxem"ning sobiq bosh murabbiyi Antonio Konte jamoani tark etganidan so‘ng ijtimoiy tarmoqlar orqali muxlislarga murojaat qildi.
“Futbol - bu ishtiyoq. Men murabbiy sifatida futbolga bo‘lgan ishtiyoqim va qizg‘in hayot tarzimni qadrlagan va baham ko‘rgan "Tottenxem"dagi barchaga minnatdorchilik bildiraman. Meni doim qo‘llab-quvvatlab, minnatdorchilik bildirgan muxlislarga alohida e’tibor qaratmoqchiman. Ularning mening ismimni kuylashlarini eshitish unutilmas bo‘ldi. Bizning birgalikdagi sayohatimiz o‘z nihoyasiga yetdi, sizga kelajak uchun eng yaxshi tilaklarimni tilayman”, - deb yozdi Konte.
Kontening iste’foga chiqarilgani bugun, 27 mart kuni ma’lum bo‘ldi. Italiyalik mutaxassis “Tottenxem”ni 2021 yilning noyabridan buyon boshqarib kelayotgan edi.
"Shporlar" 49 ochko bilan APL turnir jadvalida 4-o‘rinni egallab turibdi.
