«Bavariya»ning sobiq bosh murabbiyi Yulian Nagelsmann Londonning «Chelsi»sini boshqarmasligi mumkin.
Sky Sports jurnalistlariga ma’lum bo‘lishicha, «aristokratlar» germaniyalik mutaxassisning yoshligi sababli uning nomzodiga shubhalana boshlagan. Yulian hozir 35 yoshda.
Nagelsmanning «Chelsi» bosh murabbiyligi uchun asosiy raqiblari argentinalik Maurisio Pochettino va ispaniyalik Luis Enrikedir.
Eslatib o‘tamiz, yaqinda «Chelsi» Grem Potterni jamoaning Angliya Premyer-ligasining joriy mavsumidagi yomon natijalari tufayli iste’foga chiqargan edi.
London klubi turnir jadvalida atigi 11-o‘rinni egallab turibdi.
