Angliyaning “Liverpul” klubi yangi yarim himoyachi qidirishda davom etmoqda. Yurgen Klopp jamoasi "Atletiko" yarim himoyachisi Rodrigo de Paul uchun 40 million yevro berishga tayyor, deya xabar bermoqda Fichajes.
Argentinalik futbolchi yozda “matraschilar”ni tark etishi mumkin. "Atletiko"ga o‘tganidan so‘ng, uning faoliyatida biroz to‘xtalish ro‘y berdi, shuning uchun futbolchi faoliyatini davom ettirish uchun boshqa variantni ko‘rib chiqishga qarshi emas. Qolaversa, Madrid klubi hozir moliyaviy muammoga duch kelgan, shu bois “matraschilar”ni foydali taklif yordamida sotishga ko‘ndirish mumkin.
De Paul joriy mavsumda “Atletiko” safida 1 ta gol va 3 ta golli uzatmani amalga oshirdi.
