Англиянинг “Ливерпуль” клуби янги ярим ҳимоячи қидиришда давом этмоқда. Юрген Клопп жамоаси "Атлетико" ярим ҳимоячиси Родриго де Пауль учун 40 миллион евро беришга тайёр, дея хабар бермоқда Fichajes.
Аргентиналик футболчи ёзда “матрасчилар”ни тарк этиши мумкин. "Атлетико"га ўтганидан сўнг, унинг фаолиятида бироз тўхталиш рўй берди, шунинг учун футболчи фаолиятини давом эттириш учун бошқа вариантни кўриб чиқишга қарши эмас. Қолаверса, Мадрид клуби ҳозир молиявий муаммога дуч келган, шу боис “матрасчилар”ни фойдали таклиф ёрдамида сотишга кўндириш мумкин.
Де Пауль жорий мавсумда “Атлетико” сафида 1 та гол ва 3 та голли узатмани амалга оширди.
