"Manchester Yunayted" bosh murabbiyi Erik ten Xag yarim himoyachi Kristian Eriksenning o‘yin fazilatlari haqida gapirdi.

Shanba kuni bo‘lib o‘tadigan "Everton"ga qarshi bahsda 31 yoshli daniyalik ikki oydan ko‘proq vaqt ichida ilk bor maydonga tushishi mumkin.

“Kristian har doim to‘p bilan o‘zini ishonchli his qiladi. Bundan tashqari, u doimo pressing uchun tayyor, ko‘plab asosiy harakatlarni bajaradi. U imkoniyatlar yaratadi, o‘tkir paslar beradi, shuning uchun uning jamoa uchun foydasi yaqqol ko‘rinib turibdi, deb o‘ylayman, - dedi ten Xag.

Kristian Eriksen joriy mavsum “Manchester Yunayted” safida 31 ta o‘yinda maydonga tushib, 2 ta gol va 9 ta golli uzatmaga mualliflik qilgan.