«Bavariya» bosh murabbiyi Tomas Tuxel «Manchester Siti»ga qarshi bahsda jamoasiga omad yetishmadi, deb hisoblaydi.

Chorak final bahsi umumiy 4:1 hisobi bilan inglizlarning g‘alabasi bilan yakunlandi. «Bavariya»ning mehmondagi uchrashuvi 0:3 hisobidagi mag‘lubiyat bilan yakunlangan bo‘lsa, Myunxenda jamoalar 1:1 hisobida durang o‘ynadi.

«Menimcha, «Manchester Siti» o‘zini ancha yaxshi tutdi. Afsuski, o‘tgan haftadagidek, hal qiluvchi daqiqalarda omadimiz yetishmadi. O‘yinimizdan juda mamnunman.

Biz Yevropaning eng yaxshi jamoasi bilan to‘qnash keldik. O‘zimizga bo‘lgan ishonch yetishmadi va hozirgi formamiz yaxshi emasdi.

O‘ylaymanki, hisob o‘yinlar mazmunini aks ettirmaydi», — dedi Tuxel DAZN nashriga bergan intervyusida.