Superliganing 7-turidan o‘rin olgan bahsda “Navbahor” Yaypanda “Turon” mehmoni bo‘ladi.
Xabaringiz bor, yaypanliklar 2021 yilda Superligada ishtirok etishgan, ammo o‘sha mavsumda elitadagi o‘rinlarini saqlab qolisha olmagandi.
"Navbahor" 2021 yili “Turon”ga qarshi 2 ta uchrashuv o‘tkazib, 1 ta g‘alaba va durangni qayd etgan, ya’ni, Namangandagi o‘yinda nursiz durang (0:0) qayd etilgan bo‘lsa, Yaypanda mezbonlar darvozaboni Nizomiddin Ziyovutdinovning avtogoli evaziga 1:0 hisobida g‘alaba qozongandi.
Eslatib o‘tamiz, “Turon” – “Navbahor” bahsi 23 aprel kuni Yaypandagi “O‘zbekiston” stadionida soat 18:00 da start oladi.
