Oliver Kan murabbiylar shtabidagi o‘zgarishlar "Bavariya"ning natijalarini oqlashiga ishonmaydi. Myunxenliklar Tomas Tuxel boshchiligidagi 7 uchrashuvdan 3 tasida mag‘lubiyatga uchradi.

“Bu yerda qanday noaniqlik haqida gapirish mumkin? Biz maydonda yetarlicha harakat qilmayapmiz. O‘yinchilar bilan turli xil variantlarni sinab ko‘rdik. Bir nuqtada hamma mas’uliyatni o‘z zimmasiga olishi kerak.

Tomas Tuxel - biz muhokama qilishimiz kerak bo‘lgan oxirgi odam. U yigitlarni oldinga siljitish uchun bor kuchini sarflaydi.

Men tanqiddan qo‘rqmayman. Faoliyatimda ko‘p narsalarni boshdan kechirdim va “Bavariya”da ishlaringiz yaxshi bo‘lmasa, qanday bo‘lishini bilaman. Bu muvaffaqiyatsizlikka qaramay mavsumda yana bir bor chempion bo‘lishimiz mumkin", - dedi “Bavariya” bosh direktori.