Lionel Messi yaqinda o‘z mukofotlari to‘plamini kengaytirdi. Argentinalik yuldu futbolchi Xalqaro futbol tarixi va statistikasi federasiyasi (IFFHS) tomonidan birdaniga uchta sovrinni qo‘lga kiritdi. 2022 yil uchun barcha sovrinlar Messiga topshirildi. Argentinalik futbolchi dunyoning eng yaxshi futbolchisi, dunyoning eng yaxshi pleymeykeri va xalqaro miqyosdagi eng yaxshi to‘purar sifatida tan olindi.
Eslatib o‘tamiz, o‘tgan yil oxirida Messi jahon chempioni bo‘lgandi. Jahon chempionati finalida Argentina terma jamoasi 3:3 hisobida durang o‘ynab, penaltilar seriyasida Fransiyani mag‘lub etdi.
Klub darajasida Lionel Messi hozirda "PSJ" sharafini himoya qilmoqda, ammo uning shartnomasi ikki oydan keyin tugaydi.
