Ispaniya chempionatining o‘ttiz birinchi turining markaziy uchrashuvida «Barselona» «Atletiko» ustidan g‘alaba qozonishga muvaffaq bo‘ldi, Xavi Ernandes shogirdlari minimal hisobda g‘alaba qozondi.
Hujumchi Ferran Torres yagona to‘p muallifiga aylandi, u tanaffus oldidan jarima maydonchasidan uzoq burchakka aniq zarba berdi. O‘yindan so‘ng Torres muvaffaqiyati haqida fikr bildirdi.
«Bunday g‘alaba o‘z imkoniyatlarimizga ishonch bag‘ishlaydi, chunki raqib yaxshi formada edi, ammo baribir g‘alaba qozondik.
Bu hammasi o‘z qo‘limizda ekanligini, endi navbatdagi o‘yin haqida o‘ylash vaqti kelganini ko‘rsatadi.
Muxlislarga qo‘llab-quvvatlaganlari uchun rahmat», - deya futbolchining so‘zlarini keltiradi Ispaniyaning AS nashri.
