Yoshlar o‘rtasidagi jahon chempionatiga tayyorgarlik ko‘rayotgan O‘zbekiston U20 terma jamoasi Ispaniyadagi yig‘in doirasida bugun Dominikanga qarshi o‘rtoqlik uchrashuvini o‘tkazdi. Unda Ravshan Haydarov shogirdlari yirik hisobda g‘alaba qozondi.

Bahsning 20-daqiqasida Shahzod Rahmatullayev hisobni ochgan bo‘lsa, taym so‘ngida belgilangan penaltini Po‘latxo‘ja Xoldorxonovga golga aylantirib, farqni ikkitaga oshirdi.

Ikkinchi bo‘limning 59-daqiqasida dominikanlik Yordi Alvares ikkinchi sariq kartochka tufayli maydondan chetlatildi. 75-daqiqada esa hamyurtlarimiz yana bitta penalti tepish huquqini qo‘lga kiritishdi. Abbosbek Fayzullayev esa imkoniyatdan samarali foydalanib, hisobni yirik ko‘rinishga keltirdi.

Yoshlar terma jamoamiz 27 aprel kuni Ispaniyada Gibraltar termasiga qarshi navbatdagi o‘rtoqlik uchrashuvini o‘tkazadi. Jamoamiz 22 aprel kuni Braziliyaga qarshi o‘rtoqlik o‘yini o‘tkazib, yirik hisobda yutqazgandi (1:4).

O‘rtoqlik uchrashuvi
O‘zbekiston U20 - Dominikan - 3:0
Gollar: Shahzod Rahmatullayev (20ʼ), Po‘latxo‘ja Xoldorxonov (40-pen.), Abbosbek Fayzullayev (75-pen.).
Chetlatish: Yordi Alvares (59)