Joriy yilning 6-12-avgust kunlari Indoneziyaning Bali shahrida Butunjahon plyaj o‘yinlari musobaqasi bo‘lib o‘tishi rejalashtirilgan. E’tiborli tomoni, ushbu turnirda hakamlik qilish uchun o‘zbekistonlik FIFA referisi — Nayim Qosimov ham taklif oldi.
Xabaringiz bor, ushbu hakamimiz mart oyida bo‘lib o‘tgan Tailandning Pattaya shahridagi sohil futboli bo‘yicha Osiyo kubogida ham ishlab, turnir davomida 7 ta bahsni boshqarishga ulgurgan edi.
Shuningdek, Qosimov OFK sohil futboli kursini muvaffaqiyatli yakunlagach, OFK Elita hakamlar ro‘yxatidan ham joy olgan.
