Menejer Sem Ellardays "Lids"ning yangi bosh murabbiyligiga asosiy da’vogarlar qatorida.
“Tovuslar” rahbariyati avval xabar qilinganidek, Xavi Grasiyani iste’foga chiqarishga hozirlik ko‘rmoqda. Nufuzli The Athletic nashrining yozishicha, klub jamoalarni Premyer-ligadan tushib ketishdan qutqarish bo‘yicha mutaxassis hisoblangan Ellardays nomzodini jiddiy ko‘rib chiqmoqda. Chempionat tugashiga to‘rt tur qolganda “Lids” 17-o‘rinda bormoqda.
Xavi Grasiya shu yilning fevral oyidan beri “Lids”ni boshqarib kelmoqda. U murabbiylik ko‘prigida Jessi Marshni almashtirdi.
Sem Ellardays 2021 yilda "Vest Bromvich"ni tark etganidan beri murabbiylik ishiga ega emas edi.
