"Bavariya" ushbu mavsumda yaxshi o‘yin ko‘rsata olmagan himoyachi Alfonso Devisga ishonishda davom etmoqda. Jurnalist Frenk Linkesning so‘zlariga ko‘ra, "qizil mashina" rahbariyati kanadalik futbolchi bilan shartnomasini uzaytirmoqchi.
Eslatib o‘tamiz, so‘nggi mavsumlarda Devis bir necha bor noxush jarohatlarga duch kelgan, shu sabab ham optimal formaga kira olmadi. 22 yoshli himoyachi joriy mavsumda jarohatlardan qochishga muvaffaq bo‘ldi va ko‘plab o‘yinlarda maydonga tushdi.
Alfonso hisobida Bundesliganing joriy mavsumida bir gol va to‘rtta golli uzatma bor.
