Shveysariyalik yarim himoyachi Granit Jaka joriy mavsum yakunida Londonning «Arsenal» klubini tark etishni rejalashtirmoqda, deb xabar bermoqda The Sun tabloidi jurnalistlari.

Manba bergan xabarga ko‘ra, 30 yoshli yarim himoyachi faoliyatini Germaniya Bundesligasida davom ettirish variantini ko‘rib chiqmoqda.

Granitga «Bayer» Leverkuzenda ish taklifi bor. Qayd etilishicha, shuningdek, «kanonirlar» ustozi Mikel Arteta ham Jakaning transferiga qarshi emas.

Shveysariyalik futbolchi 2016 yildan buyon «Arsenal»da o‘ynab kelmoqda. Uning klub bilan shartnomasi kelasi yilning o‘rtalariga qadar amal qiladi.

Granit joriy mavsumda 44 ta o‘yin o‘tkazib, 7 ta gol urdi va 7 ta golli uzatmani amalga oshirdi.