Jeymi Karragerning fikricha, mavsumning qolgan qismi "Manchester Siti" uchun oson o‘tadi.
"Hozir ular uchun har bir o‘yin juda oson o‘tayotganga o‘xshaydi. "Everton"ga qarshi o‘yin ular uchun eng og‘ir bo‘ladi deb o‘yladim, chunki ular oxirigacha dushmanlik muhitida kurashdilar va bu o‘yin "Real"ga qarshi o‘yinlar oralig‘ida bo‘ldi. Men Gvardiola yana bir nechta o‘yinchilarni almashtira oladi deb o‘ylagandim, lekin bunday qilmadi.
"Real"ga qarshi o‘ynash qiyin, ammo ular Karlo Anchelotti jamoasidan yaxshiroq. O‘yinda nima bo‘lishidan qat’iy nazar, men undan keyin hech qanday muammo ko‘rmayapman" - dedi "Liverpul"ning sobiq himoyachisi Monday Night Football bilan suhbatda.
17 may chorshanba kuni “Etihad” stadionida Chempionlar ligasi yarim finalining javob uchrashuvi bo‘lib o‘tadi. Birinchi o‘yinda “Real” va “Manchester Siti” durang o‘ynadi (1:1).
