Osiyo Futbol Konfederasiyasi Parijdagi Olimpiadaga saralash hisoblangan 2024 yilgi 23 yoshli futbolchilar o‘rtasidagi Osiyo Kubogi o‘yinlari sanasini rasman e’lon qildi.
Turnir 15 aprel kuni boshlanib, 3 may kuni yakunlanadi. Qatar bunga o‘tgan yili mezbon joy sifatida tanlangan edi.
Dastlab 23 yoshlilar o‘rtasidagi Osiyo Kubogi-2024 yanvar oyida bo‘lib o‘tishi kerak edi. Ammo kattalar o‘rtasidagi Osiyo Kubogi 2024 yilning yanvar-fevraliga ko‘chirilishi munosabati bilan 23 yoshlilar o‘rtasidagi Osiyo kubogi vaqtini o‘zgartirish zarurati tug‘ildi. Shu bilan birga, OFK bir nechta omillarni hisobga olgan holda qaror qabul qilishi kerak edi:
- Ramazon sanalari (10 mart - 10 aprel),
- Olimpiadaning futbol turniriga qur’a tashlash marosimi (aprel oyining boshi).
Natijada murosa topildi va musobaqa Ramazon hayitidan keyin darhol boshlanadi.
