«Chelsi»ning ehtimoliy bosh murabbiyi Maurisio Pochettino allaqachon jamoaning hujum chizig‘iga yulduz futbolchini tanlab olgan.

Manbaga ko‘ra, Pochettino jamoaga hamyurti Paulo Dibalani olib kelmoqchi.

Qayd etilishicha, Dibalaning «Roma» bilan amaldagi shartnomasida chet el klublari uchun 12 million yevroga sotib olish varianti mavjud. Bu fakt «Chelsi»ga 29 yoshli futbolchi bilan shartnoma imzolashni osonlashtiradi.

2022/2023 yilgi mavsumda Paulo Dibala 36 ta o‘yinda maydonga tushib, 16 ta gol urdi va 8 ta golga assistentlik qildi.