O‘zbekiston kubogi guruh bosqichi, 2-turidan o‘rin olgan bahsda “Navbahor” o‘z maydonida Andijonning “Andijon” jamoasini qabul qiladi.
Xabaringiz bor, mamlakatimizning eng sovrindor klublari qatoridan joy olgan va Superliga (oliy liga)mizning muntazam ishtirokchisi bo‘lgan “Navbahor” billur sovrinni 3 marta – 1992, 1995 va 1998 yillarda qo‘lga kiritgan hamda 1993 va 2022 yillarda final ishtirokchisiga aylanib, hal qiluvchi bahslarda “Paxtakor” (0:3, 1993 yili) hamda “Nasaf” (1:2, 2022 yil) jamoalariga imkoniyatni boy bergan.
“Andijon” esa hali O‘zbekiston kubogi finaliga qadar yetib bormagan.
“Navbahor” va “Andijon” jamoalari O‘zbekiston kubogi doirasidagi bahslarda o‘zaro 6 marta ro‘baro‘ kelishgan.
Ushbu o‘yinlarning 4 tasida "Navbahor" g‘alaba qozongan bo‘lsa, 2 ta bahsda andijonliklar zafar quchishgan. To‘plar nisbatidagi ustunlik ham “Navbahor” tarafida – 12 - 6.
Mazkur jamoalarning O‘zbekiston kubogi doirasidagi barcha uchrashuvlari natijalari:
1992 yil. 1/4 final
“Navro‘z” – “Navbahor” – 0:1
“Navbahor” – “Navro‘z” – 3:1
1993 yil. 1/4 final
“Navbahor” – “Navro‘z” – 4:2
“Navro‘z” – “Navbahor” – 1:0
2002/2003 yillar. Guruh bosqichi
“Andijon” – “Navbahor” – 1:4
2018 yil. 1/16 final
“Andijon” – “Navbahor” – 1:0
Eslatib o‘tamiz, “Navbahor” – “Andijon” uchrashuvi bugun Namangandagi “Markaziy” o‘yingohda soat 19:30 da start oladi.
