"PSJ" bosh murabbiyi Kristof Galtye jamoasining bugungi mashg‘ulotida qatnashmaydi. Parij giganti matbuot xizmati xabariga ko‘ra, murabbiy tibbiy sabablarga ko‘ra mashg‘ulotlarni o‘tkazib yuboradi.

Shu bilan birga, manba ta’kidlaganidek, ertaga mutaxassis o‘z vazifasiga qaytadi.

Galtye joriy mavsum boshlanishidan oldin parijlik grandlar bosh murabbiyi lavozimini egalladi. Uning klub bilan shartnomasi kelasi yilning o‘rtalariga qadar amal qiladi.

Fransiya chempionatining 35-turidan so‘ng “PSJ” 81 ochko jamg‘arib, Liga 1 turnir jadvalida peshqadamlik qilmoqda. Poytaxt klubi eng yaqin ta’qibchisidan olti ochko oldinda.