«PSJ» himoyachisi Serxio Ramos yana bir yil Fransiya klubida qolmoqchi.
Mundo Deportivo xabariga ko‘ra, ispaniyalik futbolchi parijliklar bilan yakunlanadigan shartnomasini yana bir mavsumga uzaytirmoqchi.
Manbaning ta’kidlashicha, klub Ramosning xohishiga qo‘shiladi va tajribali futbolchini yana bir yil saqlab qolmoqchi. Tomonlar yaqin vaqt ichida muzokaralarni boshlash va imkon qadar tezroq bitim tuzish niyatida.
Avvalroq Ramosning professional faoliyatini boshlagan «Sevilya»ga qaytishi mumkinligi haqida xabarlar tarqalgandi. Biroq manbaning ta’kidlashicha, bu mish-mishlar haqiqatga to‘g‘ri kelmaydi.
