"CAFA U-20 Championship 2023" turnirining 3-turi doirasida O‘zbekiston U-18 terma jamoasi bugun Tojikistonga qarshi bahs olib bordi. Vakillarimiz, kutilmaganda, bu raqibga qarshi o‘yinda zo‘rg‘a mag‘lubiyatdan qutulib qolishdi.

O‘yinning asosiy vaqti tugashiga 1 daqiqa qolganida tojikistonliklar hisobni ochishga muvaffaq bo‘lishdi. Qo‘shim berilgan 4-daqiqada esa Muhammadali O‘rinboyev tomonidan urilgan gol yoshlarimizga durangni taqdim etdi.

Ushbu durang tufayli O‘zbekiston U18 terma jamoasi 7 ochko bilan peshqadamlikni saqlab qoldi. 4-turni Farhod Nishonov shogirdlari 28 may kuni Afg‘onsitonga qarshi o‘tkazadi. Bellashuv 10:30 da start oladi.

CAFA U-20 Championship 2023, 3-tur
O‘zbekiston U18 - Tojikiston U20 - 1:1 (0:0)
Gollar: Muhammadali O‘rinboyev (90+4) — Behruz Xo‘jayev (89)